ACTUALIDADE DA AULA

2007-06-24T06:18:00.000Z

¡ COMO QUE NOS VAMOS !
LA ÚNICA ACTUALIDAD DE ESTE AULA ES QUE YA NO HAY AULA
¡VIVAN LAS VACACIONES!

PARA O ÚLTIMO EXAMEN DE 1º BAC "E"

2007-06-17T10:20:00.000Z

LISTADO DE ALUMNOS/AS DE 1º BAC. “E” HISTORIA DO MUNDO CONTEMPORANEO

QUE TEÑEN QUE RECUPERAR MATERIA NO EXAMEN DO VINDEIRO MÉRCORES

Silvia de Bernardo………………………….. Todo o curso
Vanessa Gómez….…………………………………. Todo o curso
Alba González………………………………………… Todo o curso
Soledad Lolo…………………………………….. 3ª avaliación
An tón López…..…………………………………… Todo o curso
Victoria Núñez……………………………………… 1ª avaliación
Noelia Gómez…………………………………………… Todo o curso
Brais Pérez…………………………………………… Todo o curso
Luis A. Rodríguez………………………………… 3ª avaliación
Valeria Rubal……………………………………. Todo o curso
Miguel Serrano..………………………………… 3ª avaliación
María Vales……………………………………… …… 3ª avaliación
Estefanía Vázquez……………………………… 3ª avaliación
Miguel Vázquez……………………………………… Todo o curso
Laura Vázquez………………………………………… 2ª avalaición
Antía Vázquez………………………………………… 3ª avaliación
Fernando Viñas……………………………………… 3ª avaliación

* Lémbrase a todos/as que para aprobar o curso debense aprobar tódalas avaliacións. As persoas que teñan só unha avaliación pendente deben aprobala ou do contrario quedaralles a materia completa pendente para setembro. Do mesmo xeito aprobar a recuperación de todo o curso implicará aprobar o curso completo.

Examen do mércores final de Historia

2007-06-16T13:53:00.000Z

LISTADO DE ALUMNOS/AS DE 1º BAC. "D" HISTORIA DO MUNDO CONTEMPORANEO

QUE TEÑEN QUE RECUPERAR MATERIA NO EXAMEN DO VINDEIRO MÉRCORES

Sandra Amigo……………………………………………….. Todo o curso
Adriana Cabado……………………………………………… 2ª avaliación (*)
Sergio Campos………………………………………………. Todo o curso
José Mª Carro………………………………………………...3ª avaliación
Pablo Casal…………………………………………………… Todo o curso
Nerea Cortizas………………………………………………..3ª avaliación
Noelia Espiñeira………………………………………………Todo o curso
Manuel Freire………………………………………………… Todo o curso
Noelia Gómez………………………………………………… Todo o curso
Leopoldo López……………………………………………… Todo o curso
Graciela Lourido………………………………………………Todo o curso
Iago Sánchez…………………………………………………. Todo o curso
Cristina Vázquez……………………………………………… 2ª avaliación

* Lémbrase a todos/as que para aprobar o curso debense aprobar tódalas avaliacións. As persoas que teñan só unha avaliación pendente deben aprobala ou do contrario quedaralles a materia completa pendente para setembro. Do mesmo xeito aprobar a recuperación de todo o curso implicar á aprobar o curso.

Para que logo digan que Elvis morreu...

2007-05-17T21:54:00.000Z

2007-05-16T14:30:00.000Z

Como sabedes o luns fixemos un examen tipo test. En xeral parece que saíron bastante ben, pero a raíz dalgúns comentarios que se oían "polos pasillos" tipo que foi un examen máis concreto do que habitualmente son en canto a datas etc, decidimos preguntarvos a vós,

¿que vos pareceu o examen?

O TEST DA REVOLUCIÓN RUSA. Solucións en negriña

2007-05-15T05:09:00.000Z

1. A historiografía denomina "comunismo de guerra"
a.Á teoría leninista que defendía que a Iª Guerra Mundial sería o mellor aliado na extensión do comunismo.
b.Ó xeito como Stalin organizou ó estado soviético: preparado para se defender militarmente contra os ataques dos estados capitalistas.
c.Á forma de organización económica posterior á revolución de outubro, caracterizada por medidas socializantes pero no marco da guerra civil.

2.No pensamento leninista o goberno revolucionario debe deixar inmediatamente de participar na Iª Guerra Mundial
a.Por ser unha guerra derivada dos intereses do capitalismo imperialista e contra o proletariado explotado das nacións belixerantes.
b.Porque Alemania merece a paz, xa que axudou a Lenin a entrar en Rusia durante a Revolución, pese á oposición dos KDT's e algúns mencheviques.
c.Porque calquera guerra, do tipo que sexa, é nefasta para os intereses da revolución, que só pode prosperar nun marco de paz e tolerancia.

3. Cando estala a revolución en febreiro de 1917, a maioría dos soviets están controlados por...
a.Os bolcheviques.
b.Os mencheviques e eseristas.
c.Os KDT's e os bolcheviques.

4. A N.E.P. supuxo...
a.Unha reafirmación dos principios socialistas que debían predominar na economía soviética.
b.Unha dirección máis rigurosa da economía soviética en Plan Quinquenais .
c.Unha concesión revolucionaria ó admitir elementos de tipo capitalista na economía soviética.

5. O modelo de relacións entre os territorios da URSS que definen as Constitucións de 1918 e 1924 é...
a.Centralista.
b.Comunal ou comunista
c.Federal.

6.Na Revolución Rusa que tivo lugar no mes de febreiro...
a.Os bolcheviques puxeron en práctica as teses de abril que formulara Lenin.
b.Os bolcheviques aceptaron a colaboración co goberno provisional para derruba-lo réxime zarista.
c.Os bolcheviques separaronse da facción menchevique do seu partido.

7.O golpe de Estado protagonizado por Kornilov (agosto de 1917)foi un intento de
a.Da-lo poder ós sectores máis liberais do goberno provisional.
b.Volver a un goberno coma a do zarismo.
c.Poñe-lo poder nas mans dos soviets tal como defendia o seu partido, o dos bolcheviques.

8.Na teses de abril, Lenin desmárcase da política doutros partidos socialistas e anarquistas rusos porque...
a.Non acepta a colaboración co goberno provisional xurdido da revolución de febreiro.
b.Propón nelas un pacto no que estes partidos dean o poder ós bolcheviques.
c.Aceptou como fase previa á dictadura do proletariado o paso por un modelo capitalista dirixido por Kerenski.

9.O goberno provisional que xurde da revolución de febreiro inclue no seu programa :
a.O abandono inmediato da guerra e a elaboración dunha constitución de tipo liberal.
b.A convocatoria dunha asemblea constituinte e o mantemento das alianzas e compromisos bélicos.
c.A continuación da súa participación na Iª Guerra Mundial e a liquidación dos soviets de deputados obreiros, soldados e campesiños.

10. Segundo a teoría leninista o modelo dos soviets é importante porque...
a. Cada soviet será a célula do futuro estado socialista.
b. Realiza, sen ter que pasar pola dictadura do proletariado, o que debe ser un estado comunista. c.Apoia dende a base ó goberno provisional ata que se produza o cambio a unha forma de estado comunista

11. O modelo económico que coñecemos co nome de "comunismo de guerra, deuse entre os anos...
a. 1918-1921
b. 1919-1923
c. 1917-1918

12. Na Constitución de 1918 estabrécese unha representación...
a.Igualitaria entre a poboación rural e a urbana.
b.Que favorece á poboación urbana sobre a rural.
c.Que beneficia á poboación rural fronte á urbana.

13.Trala Guerra Civil a Rusia soviética reincorporou territorios perdidos anteriormente en Brest-Litovsk, concretamente...
a.Ucrania, Armenia, Georgia e Azarbaijan.
b.Finlandia, Estonia, Letonia e Lituania.
c.Bielorrusia, Ucrania e Finlandia.

14.A organización de Rusia entre 1917-1921 veu condicionada principalmente...
a. Pola herencia do zarismo e presencia do Goberno Provisional.
b. Pola ausencia dunha ideoloxía con propostas para desenvolver unha política definida na liña do comunismo
c. Pola persistencia dunha situación bélica que obrigou ó Estado a esforzos especiais e fixo difícil a realización das propias propostas.

15. As primeiras medidas que toma o goberno revolucionario tra-la revolución de outubro son:
a.Decreto sobre a terra, convocatoria de Asemblea Liberal constituinte e firma da paz de Brest-Litovsk
b.Proposta de paz e decreto sobre a terra e control obreiro das fábricas.
c.Inicio da N.E.P.,proposta de paz, reforma agraria e control obreiro da industria.

16.A idea de que a revolución burguesa de febreiro é un momento do cambio que non se debe acelerar, senón máis ben deixar madurar ata que se produza o cambio polas propias contradiccións é propia de...
a.Mencheviques.
b.Bolcheviques.
c. K.D.T.'s

17. A Nova Política Económica (NEP) foi proposta por...
a. Stalin para activa-lo crecemento do pais.
b. Lenin e fracasou dando paso ó comunismo de guerra.
c. Lenin para soluciona-los problemas do comunismo de guerra.

Jueves, día de congreso!!

2007-05-13T17:02:00.000Z

Y aquí os dejo algunas fotos del congreso de medioambiente, porque lo prometido es deuda!! (fotos proporcionadas por "er profe").

María y Cris

Proximo test

2007-05-09T19:35:00.000Z

Bueno solo recordaros que el proximo lunes 14 de Mayo hay un test de historia contemporanea para 1ºD asi que ya sabeis a estudiar!!!!!

Maria y Cris

2007-05-09T10:44:00.000Z

outra proposta

Más personajes de la Rev. Rusa

2007-05-08T18:55:00.000Z

Holita de nuevo! ya he colgado una hexa-adivinanza en "Propostas de traballo", por si os apetece vaya...xD

María y Cris

Nuevas administradoras!!

2007-05-07T18:00:00.000Z

HOLAAAS!!
bueno, es para deciros que esta semana vamos a administrar el blog Cris y yop(María Lourdes), xDD. esperamos hacerlo bien, y que os resulte útil. al tiempo nos será útil a nosotras!!xD

a disfrutar!!

María y Cris

AVISO PARA NAVEGANTES/AS DESPISTADOS

2007-04-26T18:32:00.000Z

Remata o prazo para entregar os traballos sobre as causas da primeira Guerra Mundial.

venres 16. EXAMEN DE AVALIACIÓN. 16.30H

2007-03-15T19:07:00.000Z

ENTREGA DE TRABALLOS DA EXPOSICIÓN DE EL ROTO

2007-02-09T17:58:00.000Z

Hoxe recibin unha chea deles, algúns moi bos. Xa iremos amosando algúns deles.

Tst sobre Restauración e Revolución. Sociedade de Clases

2007-01-29T05:16:00.000Z

O vindeiro martes os de 1º E terán o tst sobre eses temas que von indico no título. Os de 1º D o terán o venres. Estudiando, que é xerundio.

O luns 29 ó Castelo de Santa Cruz. Un adianto da exposición de El Roto

2007-01-20T07:29:00.000Z

Cool Slideshows

O TST DA RVOLUCION FRANCSA. 19.1.007

2007-01-19T15:09:00.000Z

(EN VERDE A OPCIÓN CORRECTA)

1 A Constitución de 1791 define un modelo político…
a. De República centralista
b. De Monarquía absoluta
c. De Monarquía constitucional
2. Na declaración de dereitos de 1789 estes defínense como “ do home e do cidadán”…
a. Para sinala-la diferencia entre dereitos naturais e civís
b. Pese a que o primeiro térmo(home) inclúe o segundo
c. Por ser máis radical que a de 1793.
3. A diferencia entre xirondinos e xacobinos canto ós seus apoios sociais e..
a. Que os primeiros buscan a alianza coa alta burguesía,especialmente das provincias, mentres que os xacobinos apoianse na alianza coa baixa burguesía e as clases populares urbanas.
b. Que os xirondinos teñen a súa base social na aristocracia ilustrada e nas clases populares, fronte á base social xacobina centrada na alta burguesía e no campesiñado.
c. Os xirondinos defenderon a guerra e o centralismo administrativo derivado do seu apoio na burguesía de fora de París, fronte ós xacobinos anticentralistas apoiados pola rexión de La Vendee.
4. A captura de Luis XVI en Varennes acelera…
a. A ruptura da institución monarquica coa revolución ó ser acusado o monarca de traición á nación.
b. O estalido da Revolución Francesa ó empuxar ás masas urbanas de París á toma da Bastilla
c. A anulación do réxime feudal co decreto de abolición da feudalidade de 4 de agosto.
5. A época da Convención é un periodo caracterizado políticamente por ser…
a. Unha monarquía Constitucional na que goberna un executivo formado por Comités.
b. Un estado republicano que goberna cun lexislativo unicameral e un executivo en Comités
c. Un tipo de república federal no que os Comités sustitúen ó lexislativo da Asemblea Nacional
6. O que coñecemos como revolta do privilexiados foi...
a. A oposición da burguesía ó absolutismo e á exención fiscal da aristocracia que se fixo patente no Xuramento do Xogo de Pelota.
b. A presión de nobres e cregos para que se convocaran Estados Xerais onde esperaban confirmar seu privilexio de non pagar impostos.
c. A fase posterior á revolución francesa na que a aristocracia tentou restaura-lo absolutismo e anula-los cambios da época revolucionaria.
7. O decreto de abolición da feudalidade de 4 de agosto de 1789 foi…
a. Instrumento legal que puxo fin ó réxime señorial tentando así frea-la revolución campesiña.
b. A lei que servía para definir os dereitos que correspondían ós señores e ós vasalos na nova situación.
c. O instrumento legal que define a intención de elaborar unha nova Constitución que se aparte do modelo feudal.
8. O Xuramento do Xogo de Pelota e a toma da Bastilla correspondense coa participación na revolución…
a. Dos deputados burgueses do Terceiro Estado e a as masas urbanas de París.
b. Dos campesiños da rexión de La Vendée e os deputados do Terceiro Estado
c. Dos privilexiados reunidos no Xogo de Pelota e o campesiñado do “Grande Medo”.
9. A novidade do xuramento do Xogo de Pelota é que seus participantes…
a. Eran membros só dos estamentos privilexiados, unidos para facer fronte á monarquía
b. Eran unha sección dos Estados Xerais, a que representaba ó clero ó Terceiro Estado
c. Decláranse representantes de toda a nación e acordan elaborar unha nova Constitución
10. Definir os dereitos do home como “naturais e inalienables” implica que…
a. Deben ser recoñecidos sen oposición polos reis e a natureza, pero poden ser revocados.
b. Derivan da natureza humana e só os reis lexítimos, ou naturais, poden anulalos.
c. Forman parte da natureza do ser humano e por iso non pode ser privado deles.
11. Chamamos Revolta dos Deputados...
a. Á presión que os representantes do clero e a Nobleza exerceron para evitar pagar impostos.
b. Á negativa dos deputados do III Estado a reunirse se non se recoñecía que representaban a toda-la Nación.
c. Á toma por parte dos Deputados do cárcerel de La Bastilla, símbolo do absolutismo do Rey.
12.Pola Constitución Civil do Clero...
a. Os cregos serán considerados non coma un estamento privilexiado, senon coma simples funcionarios públicos ó servicio do ben común da sociedade.
b. A Igrexa perdía seus bens que pasaban a mans da monarquía.
c. Recoñecíanse os Dereitos Humáns ós membros doutras relixións
13. As guerras da revolución e do periodo napoleónico foron importantes porque…
a. Extenderon as ideas da revolución aínda que á larga tamén estimulou o nacionalismo dos pobos contra a dominación francesa.
b. Non serviron para extender as ideas e institucións revolucionarias ó ser consideradas como froito da invasión extranxeira
c. Foron defendidas polos xacobinos e o propio Luis XVI coma o melllor modo de asenta-la revolución ou mesmo extendela.
14. No periodo do Directorio e do Consulado…
a. A política económica, inspirada polos xacobinos, é intervencionista.
b. A política económica é moi dependente dos ingresos provintes do botín das guerras
c. A política económica caracterízase polo sufraxio censitario e a soberanía nacional.
15. A expansión da Francia napóleónica fracasa ante a oposición nacionalista, especialmente...
a. En Bélxica e Rusia
b. En Rusia e España
c. En La Vendée e Rusia
16. O executivo do estado francés na época do Consulado está formado…
a. Por Dúas Cámaras, a dos Quinientos e a dos Anciáns que elaboran as leis.
b. Por un Directorio de cinco membros, iguais en xerarquía e un cónsul vitalicio, Napoleón.
c. Por tres cónsules dos cales un é “primeiro cónsul” e pasou logo a ser vitalicio na persoa de Napoleón.
17. A diferencia entre a Asemblea Nacional Constituinte e a Lexislativa é que…
a. A primeira encargase da lexislación de orde económica e a segunda das de tema político e social.
b. A primeira traballa para a redacción e aprobación dunha Constitución, a outra para o desenvolvemento desta en leis concretas
c. A primeira representa á Nación no seu conxunto, mentres que a segunda só representa ás clases burguesas relacionadas co mundo das leis( avogados, xuices…)
18. A política económica da época da Convención xacobina caracterízase por…
a. Seu carácter marcádamente liberal con intervencionismo estatal e confiscacións á nobreza
b. Rachar co liberalismo, empuxada pola situación de guerra exterior e oposición interna
c. Ser unha política liberal defendida pola baixa burguesía xacobina
19. A declaración de dereitos de 1793 …
a. Antepón a liberdade a calquera outro dereito como reflexo da ideoloxía liberal-burguesa.
b. Define en pé de igualdade liberdade e propiedade por reflexar a ideoloxía “sans-culotte”.
c. Como reflexo da intención social dos xacobinos antepón a igualdade ó resto dos dereitos.
20Que os Estados Xerais pasen a chamarse Asamblea Nacional implica...
a. Que o Rei deixa de ter calquera poder político porque a Nación é soberana.
b. Que non se acepta a existencia dun Contrato Social na orixe da nova sociedade política .
c. Que a nova Asemblea non representa por separado aos grupos sociais, senon que cada deputado representa a toda-la Nación.
21. Na Declaración de Dereitos do Home e do Cidadán, considerar a sociedade política constituida por ciudadáns e non por súbditos, implica...
a. Recoñecer que son suxeitos de dereitos políticos. P . ex. elexir e ser elexidos para participar nas institucións do Estado
b. Recoñecer que teñen un dereito inalienable e sagrado á vida e é felicidade
c. Recoñecer que os propietarios que viven en cidades terán os dereitos políticos que lles corresponden como ciudadáns

VINDEIRAS CONVOCATORIAS

2007-01-12T16:04:00.000Z

O xoves ás 5 da tarde ( hora taurina, pero sen intención) recuperación da primeira avaliación.

O vindeiro venres 6 faremo-lo test sobre a revolución francoise e o imperio napoleónico, en ambos cursos.

E non esquezades para calquera día da semana os textos sobre a revolución: un tema e catro relaciones de conceptos.

¡Ánimo campiones!

problemas con la falta de la letra"ñ" (y como digo yo "coño los de logroño")

2007-01-04T16:02:00.000Z

EXAMEN 1º D Pregunta 1

2006-12-05T15:37:00.000Z

1. Compón un tema co título:
A crítica das teorías contractualistas ó modelo político absolutista.
Lembra que debes contextualizar túa argumentación no tránsito do Antigo ó Novo Réxime.Deberás redactar un texto ben artellado e servirte (mediante citas deles) dos textosNon esquezas introducir brevemente e ordenar as ideas. (5 ptos)

“O poder soberano reside únicamente na miña persoa(…) A orde publica emana de min toda enteira, e tamén os dereitos e intereses da nación (…)repousan nas miñas mans”. Luís XV de Francia.1766

“A monarquía é a forma de goberno… que ten seu fundamento, o seu modelo, no imperio paterno. Os homes nacen todos súbditos, e o imperio paterno, que lles ensina a obedecer, afainos tamén a non ter máis ca un xefe(…) Pensade no príncipe no seu gabinete. De alí parten as ordes que fan actuar ós soldados, ós cidadáns, ás provincias. É a imaxe de Deus, quen, sentado, no seu trono máis alto dos ceos, fai funcionar toda a natureza”. Bossuet.1679

“Sempre que un certo número de homes se unen nunha sociedade renunciando cada un deles ao poder de executar a lei natural cedéndoa á comunidade, entón e só entón constitúese unha sociedade política ou civil. Este feito prodúcese sempre que certo número de homes que vivían no estado de natureza se asocian para formar un pobo, un corpo politico, sometido a un goberno supremo (…) Locke 1690

“Sostemos coma evidentes, por si mesmas, estas verdades: que tódolos homes son creados iguais; que son dotados polo seu Creador de certos dereitos inalienables entre os que sen contran a vida, a liberdade e a percura da felicidade; que para garantir eses dereitos institúense entre os homes os gobernos, que derivan seus poderes lexítimos do consentimento dos gobernados; que sempre que unha forma de goberno se faga destructoras deses principios o pobo ten dereito a reformala ou abolila…” Declaración de Independencia EEUU, 1776

“ Art. 3 O goberno está ou debe estar instituido para o beneficio, protección e seguridade común do pobo(…)
Art. 5 Os poderes lexislativo e executivo do Estado deben separarse e diferenciarse do xudicial”
Declaración de Dereitos de Virxinia , 1776

AS IDEAS QUE SE DEBERÁN TRATAR NO TEMA E QUE SE ATOPAN CONVINTEMENTE TRATADAS NOS DOCUMENTOS( QUE HABERÁ QUE CITAR) SON AS SEGUINTES (dende logo contextualizando os temas)

1. ORIXE DO PODER POLÍTICO.
Contraposición do modelo de poder derivado de Deus e da tradición, da providencia Divina...fronte ó modelo ilustrado de poder derivado do pacto que os homes en estado natural acordan facer para constituir os gobernos.

2. FINALIDADE DO PODER POLÍTICO
Contraposición entre un modelo que busca o ben común e a felicidade dos cidadáns fronte a outro que os considera como súbditos e que decide sen consulta o que convén ou non ós gobernados.

3. ORGANIZACIÓN DO PODER POLÍTICO
Contraposición entre un modelo de control do poder político mediante a división dos poderes fronte a outro de poder absoluto que concentra nas mans do monarca o poder todo.

4. LIMITES DO PODER POLÍTICO
Fronte o poder sen límites, absoluto, a consideración dos gobernados como súbditos (suxeitos de deberes e non de dereitos) e a inexistencia de elementos do propio sistema (leis, institucións) que limiten ó poder político; atopamos un modelo no que o poder político está limitado porque non pode traspasar nunca a "fronteira" dos dereitos das persoas e debe rexirse sempre por unha lei que lle marca os límites da súa actuación e que afecta por igual ós gobernados e ós gobernantes (Estado de dereito).

EXAMEN 1º D. Pregunta 2

2006-12-05T15:30:00.000Z

2. Estabrece nun breve texto as diferencias entre o modelo de monarquía parlamentaria e constitucional. (1.5 ptos)

1. Respecto ó modelo de soberanía nacional-popular na monarquía parlamentaria fronte a compartida co Parlamento na monarquía constitucional.

2. Respecto á separación de poderes.
O executivo recae no Rei na constitucional (o rei reina e goberna) , na parlamentaria no goberno e o Rei ten funcións principalamente de representación e arbitrais (reina pero non goberna ).
O lexislativo recae no Parlamento na parlamentaria mentres que na constitucional o Rei pode ter funcións lexislativas compartidas co Parlamento

(todo isto para contar e redactar axeitadamente)

EXAMEN 1ºD. Pregunta 3.

2006-12-05T15:19:00.000Z

3. Asocia estas frases a unha das teorías sobre a definición de nación escribindo a letra que lle corresponda á súa esquerda : A: Escola liberal-voluntarista B: Escola histórico-organicista
A. Ten a súa xénese no pensamento ilustrado
A. Defende un concepto xurídico da nación fundamentado no pacto social
B. O Estado debe servir para a grandeza da Nación, ó seu servizo.
B. As nacións veñen dadas de xeito natural pola historia
B. Define ás nacións un “espírito” que se manifesta en lingua, trtradicións…
A.. Xurde como reacción ó universalismo racionalista ilustrado.
A… A nación é un corpo de asociados baixo unha lei común.
B.. A existencia de nacións é anterior ós indivíduos.

EXAMEN DE 1ºD. Pregunta 4

2006-12-05T15:13:00.000Z

4. Escribe no cadro o concepto que definen as formulacións da esquerda. (1.25 ptos.)
1. Aquel modelo de Estado formado por varios Estados unidos por un pacto pero sen renunciar cada un deles ó autogoberno, a leis e institucións propias. Estado federal
2. Teoría nacionalista que tenta reunir as aportacións das teorías liberais e organico-historicistas. Sintese dos xuristas italianos
3. A situación “racional” na que o home se atopou, na orixe, como soberano de sí mesmo e só sometido ás leis naturais. Estado natural
4. O modelo de República no que o seu presidente non ten á penas funcións executivas, senón só honoríficas e arbitrais. República parlamentaria
5. O conxunto de atribucións que a un ser humano lle corresponden por dereito, polo mero feito de ser humano. Dereitos naturais
6. A lei suprema de calquera estado que debe recoller os dereitos dos indivíduos, a organización do poder político e reflexarse de xeito escrito. Constitución
7. Un modelo de poder lexislativo formado por dous reunións de representantes, un deles representando á soberanía nacional e outro. Bicameral
8. Modelo de estado no que se recoñece unha única soberanía pero que acepta que diversas unidades territoriais poidan recibir delegadas competencias de decisión política e administración. Estado unitario descentralizado
9. Modelo de nacionalismo que reivindica un Estado propio para cada nación, ben separándose de Estado máis amplos ou unificando poboacións nacionais dispersas en diversos estados. De afirmación(centrífuga ou centrípeta)
10. Concepto político empregado para recoñecer que todo poder político emana da nación no seu conxunto. Soberanía nacional

o test do 26 en 1º D

2006-10-28T07:49:00.000Z

1. A Rev. Industrial xurdíu no Reino Unido…
2. Gracias á revolución agraria a revolución industrial puido dispoñer de…
3. A importancia das transformacións nos transportes que se deron antes da
4.A acumulación de capitais que foron investidos durante a Revolución Industrial inglesa veu principalmente:
5. A nova actividade económica, que era a industria segúndo o modelo da Revolució Industrial, precisaba grandes cantidades de man de obra que viñeron principalmente 6. A protoindustrialización no Reino Unido adoptou dúas formas principias:
7. A fonte de enerxía principal da Iª Rev Ind. foi..
8.A existencia en Gran Bretaña dun puxante comercio coas colonias durante o s. XVIII…
9. As transformacións que caracterizan á Revolución Industrial respecto de formas anteriores de producción manufactureira son:
10. O que coñecemos como “factory system” é unha forma de organiza-lo traballo industrial...
11. Chamamos sectores punteiros ós que...
12. A industria do algodón puido ser un sector punteiro porque nela...
13. Unha das claves do papel punteiro da industria siderometalúrxica foi ...
14. Gracias ó ferrocarril estimulouse...

novos test

2006-10-26T04:36:00.000Z

Este xoves a xente de 1º D terá que facer o test sobre a primeira Revolución Industrial,

O Luns serán os de 1º E, pero neste caso terán que facelo sobre as dúas fases da Revolución Industrial e máis a revolución demográfica

A OUTRA HALF-TEST DO 20.10.06

2006-10-21T17:49:00.000Z

8.- Unha das consecuencias que se derivan do modo de funcionamento do capitalismo contemporáneo é ...
9.-No modelo capitalista a actividade económica réxese según unha normas...
10.-No pensamento económico capitalista, o Estado...
11.-A reinversión sistemática dos beneficios...
12.-Posto que son considerados mercancías, os factores de producción...
13. A teoría da “ dobre revolución” que defende Hobsbawm...
14. Na sociedade de clases característica da Idade Contemporánea seus grupos sociais defínense...
15.Para a ideoloxía liberal o poder político debe organizarse, para respetar á vontade do pobo de quen nace todo poder e salvagardar seus dereitos, segundo o principio...
16. O grupo social que protagoniza os cambios fundamentais da época contemporánea é...

HALF-TEST DE HOXE. 20.10.06

2006-10-21T03:20:00.000Z

1. As leis de "enclosures" ,a finais do s. XVIII na Gran Bretaña, permitiron...
2.- O modelo de propiedade sobre a terra que propón o capitalismo contemporáneo caracterízase por...
3.- Algúns dos avances técnicos propios da Revolución agraria son...
4.- Desamortización en España e "enclosures" en Gran Bretaña supuxeron...
5.- O capitalismo na agricultura do s. XVIII-XIX refléxase ...
6.-Segundo algúns autores a relación que podemos estabrecer entre a transformación agraria de finais do s.XVIII e a I0 Revolución Industrial é...
7.-Para o capitalismo clásico, o que motiva ós indivíduos na súas actuacións económicas é...

¡AVISO IMPORTANTE!

2006-10-20T05:38:00.000Z

Por razóns que teñen que ver co intercambio con Hungría, o vindeiro luns non poderei vir as clases( ou non a todas), así que temos que pospoñe-lo test sobre a revolución industrial ata o mércores.
Julián

TEST bis E NOVO TEST.

2006-10-16T09:54:00.000Z

Segundo acordamos na clase:
O vindeiro venres 20 as persoas que o desexen poderán repeti-lo test sobre a introducción da historia contemporánea (bloques), a dobre revolución e a revolución agraria.
O luns seguinte faremo-lo test sobre a revolución industrial

AS RESPOSTAS CORRECTAS DO PRIMEIRO TEST

2006-10-09T05:23:00.000Z

HISTORIA DO MUNDO CONTEMPORÁNEO. TEST.Capitalismo.Rev Agraria 9. X.06

1. As leis de "enclosures" ,a finais do s. XVIII na Gran Bretaña, orixinan... Unha modificación do sistema de propiedade da terra que impulsará, á vez, unha importante renovación técnica.
2.- Fronte ó modelo feudal de dominio compartido sobre a terra xurde, no marco do capitalismo contemporáneo... Un modelo de propiedade das terras que implica o libre uso e disposición das mesmas sen limitación algunha.

3.- Algúns dos avances técnicos propios da Revolución agraria son... A mecanización dos labores agrarios e o emprego de sistemas de cultivo intensivos (abandono do barbeito).
4.- Desamortización en España e "enclosures" en Gran Bretaña supuxeron...Unha transformación das formas de propiedade da terra que pasa a ser un ben privado e de mercado.
5.- Unha manifestación clave da introducción do capitalismo na agricultura do s. XVIII-XIX é... A dependencia respecto ós mecanismos de mercado, que é a quen vai destinada prioritariamen-te Á producción.
6.-As transformacións agrarias de finais do século XIX fixeron a esta actividade económica...Depender dun xeito crecente da producción industrial.
7.-Segundo algúns autores a relación que podemos estabrecer entre a transformación agraria de finais do s.XVIII e a I0 Revolución Industrial é... Que a primeira forma parte das precondicións que fixeron posible a segunda.
8.-Para o capitalismo clásico,o móbil que xustifica a actividade económica do indivíduos é...O afán de lucro.
9.-No capitalismo contemporáneo o desenvolvemento desigual (no nivel territorial)basease en...Unha división internacional do traballo que asigna a uns o papel de productor de materias primas e a outros o de productor de capitais e productos manufacturados.
10.-No modelo capitalista a actividade económica réxese según unha normas...Que forman parte da propia natureza da actividade económica.
11.-No pensamento capitalista de A. Smith o "soberano”, ou Estado... Non participa absolutamente en nada da vida económica.
12.-A reinversión sistemática dos beneficios...Asegura a transformación dos mesmos en capital.
13..-O feito de que os factores de producción teñan un precio nace de...A súa consideración como mercancías sometidas ás leis do mercado.
14. A teoría da “ dobre revolución” que defende Hobsbawm...Trata de explicar as orixes da época contemporánea como derivada dunha dobre transformación revolucionaria nos eidos económico(rev. industrial) e político(revs. francesa e americana)
15. No modelo social característico da Idade Contemporánea seus grupos sociais defínense... Atendendo a criterios económicos.
16.Para a ideoloxía liberal o poder político dos gobernantes debe partir ou derivar sempre... Da soberanía da nación ou pobo.
17. O grupo social que protagoniza os cambios fundamentais da época contemporánea é... A burguesía, urbana e industrial primordialmente.

O PRIMEIRO TEST DE VERDADE

2006-10-05T14:22:00.000Z

O vindeiro luns (9 de outubro) faremo-lo primeiro test que vai puntuar realmente para a cualificación da avaliación .

Á espera de confirmalo cos compañeiros de "E" , o primeiro parcial desta avaliación terá lugar o 13 de novembro.

INICIO DO CURSO ESCOLAR

2006-09-14T11:18:00.000Z

Toc, toc.....
Ben... Xa empezamo-lo curso. Con máis ou menos gañas pero xa esta aquí.
Polo meu lado coa intención de ensinar historia contemporánea e de facelo introducindo isto das novas tecnoloxías para ver se axuda á aprendizaxe.